Rusiyanın Əmək və sosial müdafiə naziri Maksim Topilin qeyd edib ki, 4 günlük iş həftəsinə keçid uzunmüddətli perspektivdə mümkündür, bu məsələ növbəti illərdə həll olunmayacaq”.
APA “TASS”a istinadla xəbər verir ki, rusiyalı nazir bu barədə çərşənbə günü Şərq İqtisadi Forumu çərçivəsində jurnalistlərin suallarını cavablandırarkən deyib.
O bildirib ki, bu, önümüzdəki illərdə həll ediləcək bir şey deyil: “Bütün bunlar kifayət qədər uzun bir müddət tələb edir. 1967-1968-ci illərdəki 6 günlük iş həftəsini xatırlayın?. Neçə il keçidi? Deyə bilərəm ki, bir ölkə üçün bu cür presedentlər var. Dörd günlük iş həftəsinə keçid gələcək perspektivdə baş verə bilər”.
Toplinin sözlərinə görə, keçidlə bağlı gəlirlərin artması əsas tələblərdən biridir: Prezidentin vəzifəsi yoxsulluğu azaltmaqdır. İş həftəsinin azaldılmasına "Əmək məhsuldarlığının artırılması və məşğulluğun dəstəklənməsi" milli layihəsi çərçivəsində baxıla bilər. Gəlin, müəyyən şirkətlərlə bunu ortaq çərçivədə etməyə çalışaq. İş vaxtı əməyin istifadəsi prosedurlarında bəzi dəyişikliklər edilməlidir. Mənə elə gəlir ki, bu, texnoloji cəhətdən uyğunlaşdırılmış bəzi sahələrdə ola bilər”.
O, əlavə edib ki, bu məsələdə həmkarlar ittifaqları və işəgötürənlərin mövqeyi nəzərə alınmalıdır: “İnsanlar bunun təsirini başa düşsünlər və gəlirlərini itirməsinlər".
Daha əvvəl, Rusiya iqtisadi inkişaf naziri Maksim Oreşkin də dördgünlük iş həftəsinə keçid üçün əsas şərtlərdən söz açmışdı. Qeyd etmişdi ki, gəlirlərin, eyni zamanda əmək məhsuldarlığının artırılması vacib şərtlərdəndir.
İyun ayında Rusiyanın Baş naziri Dmitri Medvedev isə Cenevrədəki Beynəlxalq Əmək Konfransında çıxış edərək gələcəkdə dünyanın dördgünlük iş həftəsinə keçəcəyini istisna etməmişdi.
Qeyd edək ki, avqust ayında Rusiya Müstəqil Həmkarlar İttifaqları Federasiyası Əmək Nazirliyinə maaşları azaltmamaq şərtilə iş həftəsini dörd günə endirmək təklifi göndərib. D.Medvedev Əmək Nazirliyinə sentyabrın 30-dək azaldılmış iş həftəsinə keçid perspektivləri ilə bağlı mövqeyini açıqlamağı tapşırıb. Bununla yanaşı, hökumət başçısı keçidin yalnız əmək haqqı səviyyəsinin qorunması ilə deyil, həm də əmək məhsuldarlığının artması ilə müşayiət olunmasının vacibliyini də vurğulayıb.
