«Hərəkat əş-Şabab» terror qruplaşmasının üzvləri Somalinin paytaxtı Moqadişoda baş verən terakta görə məsuliyyəti öz üzərinə götürüblər.
ONA-nın ANNA-NEWS portalına istinadən yaydığı xəbərinə görə, axşam saatlarında Moqadişonun Maka-əl-Mukaram rayonunda terrorçular yanacaq və partlayıcı maddə ilə dolu yük maşınını partladıblar.
Bundan dərhal sonra bir qrup yaraqlı dövlət qulluqçuları və hüquq-mühafizə orqanları əməkdaşlarının yaşadığı mehmanxanaya hücum ediblər. Hazırda 5 nəfərin qətlə yetirildiyi və 30-dan artıq yaralı haqda məlumat var.
Hadisə yerini yanğın və tüstü bürüdüyü bildirilir.
