SSRİ-nin ilk kosmonavtlarından olan Valeri Bıkovski vəfat edib
  • DÜNYA

  • 23:29 27 Mart 2019

SSRİ-nin ilk kosmonavtlarından olan Valeri Bıkovski vəfat edib

SSRİ-nin ilk kosmonavtlarından sayılan, iki dəfə Sovet İttifaqı Qəhrəmanı adı almış Valeri Fyodoroviç Bıkovski 85 yaşında dünyasını dəyişib.

ONA-nın “RİA Novosti”yə istinadən verdiyi xəbərə görə, bu barədə kosmonavtların hazırlığı Mərkəzinin rəsmi saytında məlumat yer alıb.

Sovet kosmonavtikasının ilk nümayəndələrindən olan V.Bıkovski ilə vida mərasimi martın 29-da baş tutacaq.

V.F.Bıkovski 1934-cü ildə anadan olub. 1953-cü ildə Kamenka şəhərində 6-cı hərbi aviasiya məktəbində pilotların yetişdirilməsi üzrə ibtidai təhsil alıb. 1955-ci ildə isə hərbi aviasiya üzrə təlim-tədris mərkəzini bitirib.

O, 1960-cı ildən hərbi hava qüvvələrinin ilk kosmonavtlar heyətinə daxil olub.

Sərxan Kamallı

Teqlər: SSRİ kosmonavt Bıkovski

OXŞAR XƏBƏRLƏR