Tailandın İslah Müəssisələri Nazirliyi ölkə daxilindəki 72 həbsxananı turistik məkana çevirməyi planlaşdırır.
APA xəbər verir ki, bu barədə “Bangkok Post” portalı Ədliyyə naziri Somsak Thepsutinə istinadən məlumat yayıb.
Orada “aşpazlar və barlar” üçün yemək müsabiqələri olacaq, qonaqların məhkumlar tərəfindən hazırlanmış əşyaları ala biləcəyi mağazalar açılacaq.
Ədliyyə naziri bildirib ki, plan artıq beş həbsxanada həyata keçirilir. Müxtəlif cür əyləncələr artıq sınaqdan keçirilib. Məsələn, “dəmir barmaqlıqlar arxasındakı aşpazlar”, müxtəlif sahələrdə peşələrin təbliği, məhkumların cəmiyyətdə normal həyata qaytarılması üçün hazırlamaq və islah müəssisələrinin imicini dəyişdirmək.
