Tehranın sabiq meri edam ediləcək
  • DÜNYA

  • 13:54 30 İyul 2019

Tehranın sabiq meri edam ediləcək

İranda məhkəmə Tehran şəhərinin sabiq meri, 66 yaşlı Məhəmməd Əli Nəcəfini edama məhkum edib.

APA-nın Tehran bürosunun məlumatına görə, bunu İran Məhkəmə Sisteminin sözçüsü Qulamhüseyn İsmaili deyib.

O bildirib ki, sabiq mer qəsdən adam öldürməkdə və qanunsuz silah gəzdirməkdə ittiham olunur. Məhkəmə zərərçəkmiş tərəfin istəyi ilə onun edam olunmasına qərar verib.

Nəcəfi bu ilin mayında ikinci həyat yoldaşı Mitra Nəcəfini odlu silahla qətlə yetirib. Zərərçəkmiş tərəf onun bağışlanmasını istəməyib.

Xatırladaq ki, İranın sabiq vitse-prezidenti və Tehranın sabiq meri olmuş Məhəmməd Əli Nəcəfi Həsən Ruhaninin prezidentliyi dövründə Mədəni İrsin Qorunması Təşkilatının sədri vəzifəsində də çalışıb.

OXŞAR XƏBƏRLƏR