ABŞ prezidenti Donald Tramp “Google” şirkətini, “Facebook” və “Twitter” sosial şəbəkələrini "radikal solçu demokratlar"ın tərəfini saxlamaqda ittiham edib.
ONA-nın “TASS” agentliyinə istinadən verdiyi xəbərə görə, bu barədə o, “Twitter” səhifəsində yazıb.
“Facebook, Google və Twitter radikal solçu demokratların tərəfindədir. Korrupsiyaya bulaşmış KİV barəsində isə danışmıram”, - deyə Tramp yazıb.
Ötən ilin dekabrında isə D.Tramp “Facebook”, “Google” və “Twitter” rəhbərliklərini Demokratlar partiyasından olan rəqiblərini dəstəkləməkdə günahlandırmışdı.
