ABŞ Prezidenti Donald Tramp seçkilərdə nə qələbə, nə də məğlubiyyət üçün nitq hazırlamadığını bildirib.
APA RİA Novosti-yə istinadən xəbər verir ki, ABŞ lideri qələbə nitqi barədə hələ düşünməyib.
O, seçkidə qalib gəlməyin asan, məğlubiyyətin isə çətin olduğunu vurğulayıb:
“Qazanmaq asandır, itirmək heç vaxt asan deyil. Məğlub olmaq mənim üçün deyil”.
Qeyd edək ki, ABŞ-da Prezident seçkiləri keçirilir. Prezidentlik uğrunda mübarizə Demokratların namizədi Co Bayden ilə Respublikaçı - hazırkı dövlət başçısı Donald Tramp arasında gedir.
