Türkiyə prezidenti Rəcəb Tayyib Ərdoğan İraqa səfər edəcək.
ONA-nın Türkiyə bürosunun məlumatına görə, bunu İraqda səfərdə olann Türkiyə xarici işlər naziri Mövlud Cavuşoğlu bildirib.
M. Çavuşolğu İraq xarici işlər naziri Məmməd Əli əl-Həkimlə görüşdən sonra keçirilən mətbuat konfransında deyib ki, səfər bu ilin sonlarında baş tutacaq. R. T. Ərdoğan 4-cü İraq-Türkiyə Yüksək Səviyyəli Əməkdaşlıq Şurasının İclasına iştirak edəcək.
M. Çavuşoğlu qeyd edib ki, İraq hakimiyyəti Türkiyənin Bəsrə və Mosulda bağlanmış konsulluqlarının açılmasına razılıq verilib. O cümlədən İraq hakimiyyəti Türkiyənin Nəcəfdə konsulluq açmasına dair müraciətinə müsbət yanaşıb.
M. Çavuşoğlu Türkiyənin Kərkükdə də konsulluq açmaq istədiyini və bu yöndə işlərin davam etdirildiyini nəzərə çatdırıb.
