Türkiyə sərhədində İran hərbçiləri ilə terrorçular arasında qarşıdurma olub
  • DÜNYA

  • 15:44 29 May 2019

Türkiyə sərhədində İran hərbçiləri ilə terrorçular arasında qarşıdurma olub

İranda Türkiyə sərhədi yaxınlığında PKK terror təşkilatının İran qolu olan PJAK-la İran İslam İnqilabının Keşikçiləri Korpusunun (SEPAH) hərbçiləri arasında qarşıdurma yaşanıb.

ONA-nın Tehran bürosunun məlumatına görə, qarşıdurma dünən axşam saatlarında ölkənin şimal qərbində, Çaldıran mahalının Segrik kəndi yaxınlığında baş verib.

Nəticədə SEPAH-ın zabiti İbrahim Axundzadə həyatını itirib.

Sərhəddən İrana keçmək istəyən terrorçularla hərbçilər arasında çıxan qarşıdurmada daha bir neçə terrorçu məhv edilib.

Həmçinin onlara məxsus texnika və rabitə vasitələri müsadirə edilib.

Süleyman Fərzəliyev

Teqlər: İran Türkiyə sərhəd PKK SEPAH

OXŞAR XƏBƏRLƏR