ABŞ prezidenti Donald Trampın Qolan yüksəklikləri üzərində İsrailin suverenliyini tanımaq niyyəti Yaxın Şərq bölgəsində gərginliyin artmasına səbəb ola bilər.
ONA-nın “TASS” agentliyinə istinadən verdiyi xəbərə görə, bunu Türkiyənin xarici işlər naziri Mövlud Çavuşoğlu öz açıqlamasında deyib.
“Ölkələrin ərazi bütövlüyü beynəlxalq hüququn əsas prinsiplərindən biridir. İsrailin beynəlxalq hüququ pozmaq cəhdlərinə ABŞ-ın haqq qazandırmaq istəyi bölgədə ancaq gərginliyin artmasına, insanların əziyyət çəkməsinə səbəb ola bilər”, - M.Çavuşoğlu öz “Twitter” səhifəsində belə yazıb.
