XİN ABŞ-ın S-400-lə bağlı Türkiyəyə ultimatum verdiyinə dair xəbərləri təkzib edib
  • DÜNYA

  • 10:50 23 May 2019

XİN ABŞ-ın S-400-lə bağlı Türkiyəyə ultimatum verdiyinə dair xəbərləri təkzib edib

Türkiyə Xarici İşlər Nazirliyi rəsmi Vaşinqtonun Türkiyədən iyunun ilk həftəsinin sonuna kimi S-400-ün tədarükünü ləğv etməsini tələb etdiyinə dair xəbərləri təkzib edib.

ONA-nın “A Haber”ə istinadən verdiyi məlumata görə, bu barədə ABŞ-da səfərdə olan nazir müavini Yavuz Selim Kıran açıqlama verib.

“Rəsmi səviyyədə bizə belə bir müraciət daxil olmayıb. Martda ABŞ “Patriot” zenit-raket kompleksinin tədarükü ilə bağlı əvvəlki təkliflərini yeniləmişdi. Hesab edirik ki, söhbət bu təklifdən gedir”.

Qeyd edək ki, CNBC kanalı ABŞ Dövlət Departamentindəki mənbəyə istinadən yazıb ki, ABŞ Türkiyəyə S-400 sisteminin tədarükünə dair Rusiya ilə razılaşmanı dayandırmaq üçün iyunun sonuna kimi vaxt verib, əks halda Türkiyəni mənfi nəticələr gözləyə bilər.

Məlahət Nəcəfova

Teqlər: S-400 ABŞ Türkiyə bütün xəbərlər

OXŞAR XƏBƏRLƏR