"Yaxın Şərqdə sülh və stabillik yalnız Fələstin-İsrail münaqişəsi “iki dövlət” prinsipi əsasında həll olunacağı təqdirdə bərqərar olacaq".
ONA “Anadolu”ya istinadən xəbər verir ki, bunu Türkiyənin xarici işlər naziri Mövlud Çavuşoğlu NATO Parlament Assambleyasının Antalyada keçirilən 99-cu seminarında deyib.
“Hazırda Fələstin-İsrail münaqişəsi Yaxın Şərq və Aralıq dənizi regionundakı vəziyyəti müəyyənləşdirən əsas problemlərdən biridir. Biz tərəfləri "iki dövlət" prinsipinə əsaslanan sülh dialoquna qayıtmağa çağırırıq. "Yalnız "iki dövlət" prinsipi ilə həll Yaxın Şərqə sülh gətirə bilər”, - deyə M.Çavuşoğlu qeyd edib.
Onun sözlərinə görə, rəsmi Ankara sülh prosesini tam dəstəkləməyə hazırdır.
