Türkiyədə 7 nəfərin ölümü, 30 nəfərin yaralanması ilə nəticələnən yol qəzası baş verib
  • DÜNYA

  • 20:52 03 May 2019

Türkiyədə 7 nəfərin ölümü, 30 nəfərin yaralanması ilə nəticələnən yol qəzası baş verib

Türkiyənin Tokat şəhərinin Reşadiye mahalında ağır yol qəzası baş verib. 

ONA-nın Türkiyə KİV-ə istinadən verdiyi məlumata görə, sürücünün idarəetməni itirməsi nəticəsində avtobus aşıb. 

İlkin məlumata görə, qəza nəticəsində “34 HL 3817” dövlət nömrə nişanlı avtobusda olanlardan 7 nəfəri ölüb, 30 nəfəri isə yaralanıb.

Qəza saat 17:30 radələrində Reşadiye mahalının Güvendik kəndi yaxınlığında qeydə alınıb.

Yaralılar Reşadiye Dövlət Xəstəxanasına aparılıb.

Qəzanın başvermə səbəbləri araşdırılır.
 

OXŞAR XƏBƏRLƏR