Türkiyənin Müdafiə naziri Hulusi Akar Gürcüstanın bu ölkədəki səfiri Giorgi Janjgava ilə görüşüb.
ONA-nın Gürcüstan bürosu xəbər verir ki, görüşdə iki ölkə arasında ikitərəfli və üçtərəfli formatlarda hərbi əməkdaşlığın önəmindən və inkişaf perspektivlərindən danışılıb.
Gürcü diplomat Türkiyəyə Gürcüstanın ərazi bütövlüyünə verdiyi dəstəyə görə təşəkkür edib.
Hulusi Akar bildirib ki, mayın 26-da Gürcüstanın Müstəqillik Günü münasibətilə keçiriləcək tədbirlərdə fəxri qonaq qismində iştirak edəcək.
