Ukrayna MSK-nın son açıqlamasına görə, 33,73% səsvermə bülletenlərinin sayılmasından sonra Vladimir Zelenski 30,17% səslə irəlidədir.
ONA-nın məlumatına görə, Petro Poroşenko 16,69% səslə ikinci pillədə qərarlaşıb, Yuliya Timoşenko isə 13,17% səslə üçüncüdür.
***
3:46
Ukraynada seçki protokollarının 10,27% yoxlanılmasından sonra 29,66% səslə şoumen Vladimir Zelenski liderliyi əldə edib.
ONA-nın məlumatına görə, hazırkı prezident Petro Poroşenko 16,83% səslə ikinci yerdə qərarlaşıb.
MSK-nın interaktiv tablosuna əsasən, “Batkivşina” partiyasının lideri Yuliya Timoşenko 13,75% səslə üçüncüdür.
***
00:06
Ukraynda prezident seçkilərində protokolların 0,12%-nın yekunlarına əsasən, Ukraynanın hazırkı rəhbəri Petro Poroşenko irəlidədir.
ONA-nın TASS-a istinadən yaydığı xəbərinə görə, P. Poroşenko 28,69% səs toplayıb.
İkinci yerdə 24,27% səslə “Xalqın nökəri” partiyasının namizədi, şoumen Vladimir Zelenski qərarlaşıb.
“Batkivşina” partiyasının lideri Yuliya Timoşenko 15,12% səslə üçüncüdür.
Səslərin sayılması davam edir.
