Venesuela müxalifətinin lideri Xuan Quaydonun şəxsi köməkçisi Roberto Marrero hakimiyyət qüvvələri tərəfindən saxlanılıb.
ONA-nın “Reuters” agentliyinə istinadən verdiyi xəbərə görə, Venesuelanın daxili işlər naziri Nestor Reverol saxlanılmış Marreronu terrorçu elan edib.
Reverol bildirib ki, R.Marrero terror hücumu hazırlamaqda ittiham olunur. Bu barədə o, ətraflı məlumat verməyib.
ABŞ prezidentinin təhlükəsizlik məsələləri üzrə köməkçisi Con Bolton bu həbslə bağlı münasibət bildirərək deyib ki, Venesuela prezidenti Nikolas Maduro X.Quaydonun köməkçisinin ölkəsində “qeyri-qanuni saxlanılmasına” görə cavab tədbirlərinin şahidi olacaq.
