Yaponiyanın xarici işlər və müdafiə nazirləri ABŞ-a səfər edəcək
  • DÜNYA

  • 06:39 16 Aprel 2019

Yaponiyanın xarici işlər və müdafiə nazirləri ABŞ-a səfər edəcək

Yaponiyanın xarici işlər naziri Taro Kono və müdafiə naziri Takesi İvaya bu həftə Vaşinqtona səfər edəcəklər.

ONA TASS-a istinadən xəbər verir ki, onlar ABŞ paytaxtında “2+2” formatında dövlət katibi Mayk Pompeo və müdafiə nazirinin səlahiyyətlərini icra edən Patrik Şanaxan ilə görüşəcəklər. 

T. İvayanın bildirdiyinə görə, Yaponiya ABŞ-ın müdafiə siyasətini dəstəkləyir və əməkdaşlığı genişləndirmək istəyir.

Görüş zamanı bir sıra məsələlər, o cümlədən ötən həftə Yaponiyada baş vermiş F-35 təyyarə qəzası ətrafında müzakirələr aparılacaq.

Görüşün yekunlarına dair sənədlərin imzalanması və mətbuat konfransı nəzərdə tutulub. 
 

Aytən Yusifova

Teqlər: Yaponiya ABŞ "2+2" görüş

OXŞAR XƏBƏRLƏR