Heydər Əliyev prospekti-Hava limanı yolunda ağır yol-nəqliyyat hadisəsi baş verib.
Bakı Nəqliyyat Agentliyindən APA-ya verilən ilkin məlumata görə, "Baku Expo Center"in qarşısında "Mercedes" markalı yük maşını yoldan çıxaraq arakəsmə maneələrə dəyib. Daha sonra bir neçə işıq dirəyini sıradan çıxarıb.
Avtomaşının yanacağı yola dağıldığından əraziyə Fövqəladə Hallar Nazirliyinin əməkdaşları cəlb olunub, yola dağılmış yanacaq yuyulub.
Qəza səbəbindən avtomagistralda sıxlıq yaranıb. Yolun həmin hissəsində zolaqlar üzrə sürət həddi endirilib.
BNA sürücüləri yağışlı hava şəraitində son dərəcə diqqətli olmağa çağırıb.
