Ağcabədidə ev sahibi oğrunu döyərək polisə təhvil verib
  • HADİSƏ

  • 11:36 13 Aprel 2019

Ağcabədidə ev sahibi oğrunu döyərək polisə təhvil verib

Ağcabədidə evə oğurluğa girən şəxs döyülərək polisə təhvil verilib.

ONA-nın məlumatına görə, Ağcabədi şəhəri, Zülfi Adıgözəlov küçəsində yaşayan Kərimov Məhəmmədəli Eldar oğlu səhər saat 05 radələrində işdən gələrkən evin həyətindən səs eşidib və həyətə nəzər yetirdikdə əvvəllər tanımadığı şəxsin əlində su mühəriki və qazan tutub dayandığını görüb. Həmin şəxs onu görən kimi əlindəki əşyaları atıb qaçmağa başlayıb. Oğru hasara dırmaşmaq istəyərkən Məhəmmədəli Kərimov onu tutub. Oğru ev sahibini yumruqla vurmaq istəyib, lakin Məhəmmədəli Kərimov əlbəyaxa döyüş növləri üzrə idman ustası olduğundan özünü müdafiə edib və oğurluq edən şəxsə yumruq zərbələri endirib.

Qonşuluqda yaşayan şəxslər səsə gələrək oğrunu ev sahibinin əlindən alıblar. Daha sonra Məhəmmədəli Kərimov polis şöbəsinə zəng edərək hadisə barədə məlumat verib. İlkin araşdırmalar zamanı məlum olub ki, oğurluq edən şəxs Xocəvənd rayon sakini, Ağcabədi rayonu Hüsülü kəndində məskunlaşan 1988-ci il təvəllüdlü Quliyev Cəsarət Akif oğludur.

Faktla bağlı araşdırma aparılır.

OXŞAR XƏBƏRLƏR