Bakıda ana və qızını vuran avtomobilin sürücüsü saxlanılıb
  • HADİSƏ

  • 11:45 20 Mart 2019

Bakıda ana və qızını vuran avtomobilin sürücüsü saxlanılıb

Martın 18-də saat 21 radələrində paytaxtın Nizami rayonu Q.Qarayev prospektində müəyyən edilməmiş avtomobillə yolu keçən Bakı şəhər sakinləri X.İmanova və azyaşlı qızı vurulub.

Daxili İşlər Nazirliyinin mətbuat xidmətindən ONA-ya verilən məlumata görə, onlar xəstəxanaya müraciət etməyiblər.

Nizami RPİ 25-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “VAZ-21074” markalı avtomobillə törədildiyi müəyyən edilib. Yol qəzasını törədərək hadisə yerindən yayınmış həmin nəqliyyat vasitəsini idarə edən paytaxt sakini E.Alışov polis əməkdaşları tərəfindən saxlanılıb.

Faktla bağlı Nizami Rayon Polis İdarəsində araşdırma aparılır.

Ramiz Mikayıloğlu

Teqlər: sürücü saxlanma

OXŞAR XƏBƏRLƏR