Bakıda anbardan 40 min manatlıq ayaqqabı oğurlanıb
  • HADİSƏ

  • 11:55 15 May 2019

Bakıda anbardan 40 min manatlıq ayaqqabı oğurlanıb

Paytaxtın Suraxanı rayonunda yerləşən anbardan 40 min manatlıq ayaqqabı oğurlanıb.

Daxili İşlər Nazirliyinin mətbuat xidmətindən ONA-ya verilən məlumata görə, mayın 13-də Suraxanı Rayon Polis İdarəsinin 31-ci Polis Bölməsinə Bülbülə qəsəbəsindəki bir anbardan oğurluq edilməsi barədə müraciət daxil olub. Müraciətlə əlaqədar dərhal araşdırmalara başlanılıb. Zərərçəkmiş Bülbülə qəsəbə sakini A.Adıgözəlov cari il fevral ayının 10-dan mayın 13-dək olan müddətdə qəsəbə ərazisindəki anbarından divar sökülməklə 40.000 manat dəyərində qadın ayaqqabısının oğurlandığını bildirib.

Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini Elvin Həsənov qısa müddətdə müəyyən edilərək saxlanılıb.

Faktla bağlı araşdırma aparılır.

 

Orxan Məmmədli

Teqlər: Suraxanı anbar bütün xəbərlər

OXŞAR XƏBƏRLƏR