Bakının Nərimanov rayonunda yol-nəqliyyat hadisəsi baş verib.
ONA-nın xəbərinə görə, rayonun Əhməd Rəcəbli küçəsində baş verən hadisə zamanı Nemət Ağayev idarə etdiyi “VAZ 2114” markalı avtomobili yolu əks istiqamətlə ayıran beton arakəsməyə çırpıb.
Sürət həddi yüksək olduğundan avtomobil arakəsmənin üzərindən aşaraq əks yola keçib.
Xəsarət alan olmasa da, avtomobil deformasiyaya uğrayıb.
Hadisə yerinə Yol Patrul Xidmətinin əməkdaşları cəlb edilib.
Sürücü sərxoşluğunun yoxlanılması üçün müvafiq məntəqəyə aparılıb.
