Bakıda iki avtobusun toqquşması zamanı xəsarət alanların adları məlum olub - [color=red]FOTO[/color] - [color=red]VİDEO[/color] - [color=red]YENİLƏNİB-1[/color]
  • HADİSƏ

  • 01:48 05 Noyabr 2019

Bakıda iki avtobusun toqquşması zamanı xəsarət alanların adları məlum olub - FOTO - VİDEO - YENİLƏNİB-1

Bakının Nizami rayonunda iki avtobusun toqquşması nəticəsində xəsarət alanların şəxsiyyəti müəyyən edilib.

APA-nın məlumatına görə, bunlar 1998-ci il təvəllüdlü Hüseynli Nurtac Mirzəcan oğlu, 1977-ci il təvəllüdlü Seyfullayev Ramil Davud oğlu, 1968-ci il təvəllüdlü Xəlilov Vüqar Mövlan oğlu, 1963-cü il təvəllüdlü Vəsilə Məmmədova, 1999-cu il təvəllüdlü Şəbnəm İsmayılova və 1978-ci il təvəllüdlü Xanım Qasımovadır.

Onlardan Vüqar Xəlilovun vəziyyəti ağır olduğundan stasionar qaydada müalicə alır. Digər yaralılar isə artıq xəstəxanadan evə buraxılıb. Daha iki nəfərə də hadisə yerində tibbi yardım göstərilib.

Faktla bağlı araşdırma aparılır.

***

Saat 23:55

Bakıda iki sərnişin avtobusunun toqquşduğu yol qəzasının təfərrüatları məlum olub.

"BakuBus" MMC-yə məxsus 7A saylı xətt marşrutu üzrə hərəkət edən avtobusun sürücüsü Çingiz Salamovun APA-ya verdiyi məlumata görə, avtoqəza dayanacaqda baş verib.

Məlum olub ki, 57 saylı xətt marşrutu üzrə hərəkət edən sərnişin avtobusunun sürücüsü dayanacağa yaxınlaşarkən sürət həddini aşıb və sükana nəzarəti itirdiyindən həmin avtobus qarşısında olan "BakuBus" MMC-yə məxsus avtobusa çırpılıb. Xəsarət alanların hamısı da 57 saylı marşrut avtobusunda olub.

***

Saat 23:28

Bakının Nizami rayonunda ağır yol qəzası baş verib.

APA-nın məlumatına görə, avtoqəza Qaqa Qarayev prospektində qeydə alınıb.

Hadisə zamanı 57 saylı xətt marşrutu üzrə hərəkət edən "Isuzu" markalı sərnişin avtobusu ilə "BakuBus" MMC-yə məxsus 7A saylı xətt marşrutu üzrə hərəkət edən avtobus toqquşub. İlkin məlumata görə, yol qəzası nəticəsində 8 nəfər xəsarət alıb. Yaralılar 3 saylı Şəhər Klinik Xəstəxanasına çatdırılıb. Onlardan 5 nəfəri xəstəxanada müalicəsini davam etdirəcək, digər 3 nəfər isə ilkin tibbi yardımdan sonra evə buraxılıb. 

Hadisənin təfərrüatları araşdırılır.

Nurlan Əli

Teqlər: Bakı qəza

OXŞAR XƏBƏRLƏR