Bakıda intihara cəhd edən iki nəfər xilas olunub
  • HADİSƏ

  • 12:47 30 İyul 2019

Bakıda intihara cəhd edən iki nəfər xilas olunub

Fövqəladə Hallar Nazirliyinin "112" qaynar telefon xəttinə, Bakı şəhərinin Nizami rayonunda 2 nəfərin avtomobil yolunun üzərində quraşdırılmış dəmir konstruksiyanın üzərinə çıxaraq intihara cəhd etməsi barədə məlumat daxil olub.

Nazirlikdən ONA-ya bildirilib ki, Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub.

Aparılan psixoloji söhbət nəticəsində avtomobil yolunun üzərində quraşdırılmış dəmir konstruksiyanın üzərinə çıxaraq intihar edəcəyini bildirən şəxslərin hər ikisi aşağı enməyə razı olublar.

 Faktla bağlı araşdırma aparılır.

 

ONA

Teqlər: intihara cəhd

OXŞAR XƏBƏRLƏR