Bakının Sabunçu rayonunda piyadanın vurulması ilə nəticələnən yol qəzası baş verib.
ONA-nın xəbərinə görə, "Nissan" markalı minik avtomobili piyada, 1987-ci il təvəllüdlü Ağabalayev Şahid Atabala oğlunu vurub.
Yaralı dərhal 3 saylı Şəhər Klinik Xəstəxanasına çatdırılıb. Ona kəllə-beyin travması diaqnozu qoyulub. Ş.Ağabalayevə ilkin tibbi yardım göstərildikdən sonra Reanimasiya şöbəsinə yerləşdirilib. Vəziyyəti orta-ağır qiymətləndirilir.
Sabunçu Rayon Polis İdarəsinin əməkdaşları hadisədən sonra ərazidən yayınan sürücünü saxlayıb. Faktla bağlı araşdırma aparılır.
