Baş Prokurorluq ermənilərin Tərtəri atəşə tutması nəticəsində daha bir mülki vətəndaşın həlak olması ilə bağlı məlumat yayıb
  • HADİSƏ

  • 10:15 14 Oktyabr 2020

Baş Prokurorluq ermənilərin Tərtəri atəşə tutması nəticəsində daha bir mülki vətəndaşın həlak olması ilə bağlı məlumat yayıb

Ermənistanın silahlı qüvvələri 10 oktyabr 2020-ci il tarixdə saat 12:00-dan etibarən elan edilmiş humanitar atəşkəs rejiminin tələblərini, o cümlədən 1949-cu il tarixli Cenevrə Konvensiyalarının əsas norma və prinsiplərini kobud şəkildə pozmaqla dinc mülki əhalimizə qarşı terror əməllərini davam etdirir.

ONA xəbər verir ki, Baş Prokurorluğun mətbuat xidmətinin məlumatına görə, 14.10.2020-ci il tarixdə səhər saatlarından başlayaraq düşmən tərəfin silahlı birləşmələri tərəfindən Tərtər rayonu müxtəlif istiqamətlərdən intensiv raket və  ağır artilleriyadan atəşə tutulub.

Bu gün saat 09 radələrində Tərtər rayonu, Narlı qəsəbəsində yaşayan 1969-cu il təvəllüdlü Axundov Ədavət Zahid oğlu yaşadığı evin həyətinə top mərmisinin düşməsi nəticəsində həlak olub, yaşayış evinə isə külli miqdarda ziyan dəyib.

Hazırda prokurorluq əməkdaşları tərəfindən mövcud  şəraitdə mümkün olan bütün istintaq tədbirləri həyata keçirilir.

 

ONA

Teqlər:

OXŞAR XƏBƏRLƏR