Cəlilabadda narkotiklərin qanunsuz dövriyyəsi ilə məşğul olan 3 nəfər tutulub
  • HADİSƏ

  • 11:19 30 May 2019

Cəlilabadda narkotiklərin qanunsuz dövriyyəsi ilə məşğul olan 3 nəfər tutulub

Cəlilabad Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olan şəxslər saxlanılıb.

DİN Mətbuat Xidmətinin Lənkəran regional qrupundan ONA-nın cənub bürosuna verilən məlumata görə, Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotik vasitələrin qanunsuz dövriyyəsində şöbhəli bilinən Cəlilabad şəhər sakini, əvvəllər məhkum olunmuş A.Kərimov saxlanılaraq rayon polis şöbəsinə gətirilib və onun üzərinə keçirilən baxış zamanı 2 bükümdə ümumi təmiz çəkisi 5,381 qram narkotik vasitə heroin aşkarlanaraq götürülüb. 

Cəlilabad RPŞ əməkdaşlarının keçirdikləri digər əməliyyat-axtarış tədbirləri ilə rayonun Məşhədilər kənd sakini D.Əliyevin üzərindən 2,035 qram narkotik vasitə heroin, şəhər sakini Q.Soltanovun yaşadığı evdən isə narkotik vasitələrin alqı-satqısında istifadə edilən 3 ədəd elektron tərəzi, müxtəlif bükümlərdə ümumi təmiz çəkisi 2,078 qram narkotik vasitə heroin, 0,377 qram tiryək, 0,329 qram metamfetamin aşkar edilərək götürülüb.

Faktlarla bağlı RPŞ-nin istintaq bölməsində araşdırma aparılır.

Tural Kərimov

Teqlər: narkotik həbs bütün xəbərlər

OXŞAR XƏBƏRLƏR