Ötən gecə Bakı-Sumqayıt yolunda bir nəfərin xəsarət alması ilə nəticələnən yol-nəqliyyat hadisəsi baş verib.
ONA-nın yerli bürosunun məlumatına görə, qəza yolun Ceyranbatan qəsəbəsindən keçən hissəsində qeydə alınıb.
"KamAZ" markalı yük avtomobili ilə minik avtomobilinin toqquşması nəticəsində 1 nəfər xəsarət alıb.
Minik avtomobilinin sürücüsü, Bakı şəhəri Binəqədi rayon sakini, 1996-cı il təvəllüdlü Bəydəmirov Kamran Elşən oğlu müxtəlif dərəcəli bədən xəsarəti ilə Sumqayıtda xəstəxanaya yerləşdirilib.
Faktla bağlı araşdırma aparılır.
