Qusarda "Təmiz Hava" aylığı çərçivəsində nəqliyyat vasitələrinə qarşı reyd keçirilib.
ONA-nın şimal bürosunun məlumatına görə, Qusar rayon Polis Şöbəsinin Dövlət Yol Polisi şöbəsinin keçirdiyi reyd zamanı normativlərə uyğun gəlməyən nəqliyyat vasitələrinin sahibləri müvafiq qaydada cərimələniblər.
Reydin keçirilməsində məqsəd, atmosfer havasının avtomobillərin ixrac qazlarının tərkibində olan zərərli maddələrlə çirklənməsinə nəzarətin gücləndirilməsi və təqsirkar şəxslər barəsində inzibati qaydada tədbirlərin görülməsi olub.
"Təmiz Hava" aylığı çərçivəsində 300-dən çox avtomobil saxlanılıb və onlardan 25-i barəsində qanuna müvafiq tədbirlər görülüb. Bundan başqa digər qayda pozan sürücülər barəsində müvafiq qaydada cərimələr tətbiq edilib.
Qusarda “Təmiz hava” aylığı çərçivəsində keçirilən reydlər aprelin 28-dək davam edəcək.
Vəli Turan
