Ərini öldürən qadına hökm oxunub
  • HADİSƏ

  • 15:59 03 May 2019

Ərini öldürən qadına hökm oxunub

Bu gün Bakı Ağır Cinayətlər Məhkəməsində ərini öldürməkdə təqsirləndirilən Vüsalə Mirzəyevanın cinayət işi üzrə məhkəmə prosei başa çatıb. 

ONA-nın xəbərinə görə, hakim Rasim Sadıqovun sədrliyi ilə keçirilən prosesdə prokuror çıxış edərək Vüsalə Mirzəyevanın 12 il 6 ay müddətinə azadlıqdna məhrum edilməsini istəyib.  

Təqsirləndirilən qadın son söz deyərək, əməlindən peşman olduğunu deyib. Göz yaşlarını saxlaya bilməyən qadın son sözünün davam etdirə bilməyib. 

Sonra hökm oxunub. Hökmə əsasən, Vüsalə Mirzəyeva 11 il müddətinə azadlıqdan məhrum edilib. 

Qeyd edək ki, qətl hadisəsi ötən ilin iyul ayında Xaçmaz rayonunun Xudat şəhərində baş verib.

Şəhər sakini Mirzəyeva Vüsalə Tahir qızı həyat yoldaşı Osmanov Maarif Tofiq oğlu və onun anası Osmanova Narxanım İsmayıl qızı ilə ailə münaqişəsi zəminində mübahisə edib. V. Mirzəyeva mübahisə nəticəsində mətbəx bıçağı ilə M. Osmanova döş qəfəsindən zərbələr endirib. Hadisə nəticəsində M.Osmanov hadisə yerində ölüb.

OXŞAR XƏBƏRLƏR