Nazirlər Kabinetinin 2021-ci il 14 yanvar tarixli sərəncamına əsasən, Ermənistan silahlı qüvvələrinin Azərbaycan Respublikası ərazisinə təcavüzü nəticəsində zərər dəymiş obyektlərin bərpası və təmir-tikintisinin həyata keçirilməsi ilə bağlı qəzalı vəziyyətdə olan 18 ədəd qeyri-yaşayış obyektlərindən 17 obyektin tikintisi başa çatdırılıb, 1 obyektin tikintisi üzrə iş davam etdirilir.
APA xəbər verir ki, bu, "Nazirlər Kabinetinin 2021-ci ildə fəaliyyəti haqqında icmal hesabatı”nda yer alıb.
Hesabatda qeyd edilib ki, qəzalı vəziyyətdə olan 167 fərdi yaşayış evindən 135 yaşayış evinin tikintisi yekunlaşıb, 32 evin tikintisi isə davam etdirilir.
