FHN Gəncədə bir fəhlənin ölümü ilə nəticələnən bədbəxt hadisə barədə məlumat yayıb.
ONA-nın Fövqəladə Hallar Nazirliyinin (FHN) saytına istinadən verdiyi məlumata görə, Gəncə şəhərinin Kəpəz rayonunda daş-çınqıl karxanasında torpaq sürüşməsi nəticəsində bir nəfər torpaq kütləsinin altında qalıb.
Hadisə yerinə Gəncə Regional Mərkəzinin xilasediciləri cəlb olunub. Görülən tədbirlər nəticəsində 1970-ci il təvəllüdlü İsmayılov İlham Rza oğlunun meyiti aşkar edilib və torpaq altından çıxarılaraq aidiyyəti üzrə təhvil verilib.
Əməliyyat başa çatıb.
