Gəncədə döyülmə faktı qeydə alınıb.
ONA-nın yerli bürosunun məlumatına görə, 1990-cı il təvəllüdlü Gəncə şəhər sakini Mehman Süleymanov 3 nəfər tərəfindən beşbarmaqla döyülüb. Bildirilir ki, hadisə Gəncədəki Bayraq meydanı yaxınlığında yerləşən çayxanaların birində olub.
M.Süleymanov xəstəxanaya yerləşdirilib. Onun vəziyyəti orta-ağır kimi qiymətləndirilir.
Faktla bağlı polisə də məlumat verilib. Həmin şəxslərin saxlanılması istiqamətində əməliyyat aparılır. Hadisənin hansı səbəbdən baş verdiyi isə məlum deyil.
