Gəncədə əcnəbi vətəndaş piyadanı vuraraq hadisə yerindən qaçıb.
ONA-nın qərb bürosunun xəbərinə görə, hadisə şəhərin Nizami küçəsində qeydə alınıb.
Yolu keçmək istəyən şəhər sakini, 1958-ci il təvəllüdlü Qasımova Xatirə Rza qızını maşın vurub. Yaralı dərhal xəstəxanaya yerləşdirilib. Ona kəllə-beyin travması, döş qəfəsinin əziyi və çanaq sümüyünün sınığı diaqnozu qoyulub. X.Qasımovanın vəziyyəti orta-ağır olaraq qiymətləndirilir.
Hadisəni törədən şəxs Yaxın Şərq ölkələrindən birinin vətəndaşıdır. Onun tapılaraq istintaqa cəlb olunması istiqamətində əməliyyat-axtarış tədbirləri davam etdirilir.
Fuad Hüseynov
