Gəncədə piyadanın vurulması ilə nəticələn yol qəzası baş verib.
ONA-nın qərb bürosunun verdiyi xəbərə görə hadisə şəhərin mərkəzində qeydə alınıb.
Goranboy rayon sakini Murad Bayramov idarə etdiyi “VAZ-2107” markalı avtomobillə yolu keçmək istəyən piyada, Samux rayon sakini, 50 yaşlı Gülşən Ənvər qızı Rəhimovanı vurub. Yaralı dərhal sürücü tərəfindən xəstəxanaya çatdırılıb.
Xəstəxanadan ONA-ya verilən məlumata görə yaralının vəziyyəti orta ağır qiymətləndirilir.
Faktla bağlı araşdırma aparılır.
Fuad Nazimoğlu
