Göyçayda minik və yük avtomobilləri toqquşub, xəsarət alanlar var - [color=red]FOTO[/color]
  • HADİSƏ

  • 22:07 15 Aprel 2021

Göyçayda minik və yük avtomobilləri toqquşub, xəsarət alanlar var - FOTO

Göyçay rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün axşam saat 20:30 radələrində Bakı-Şamaxı-Yevlax yolunun Göyçay şəhəri ərazisindən keçən hissəsində qeydə alınıb.

90-KL-375 dövlət nömrə nişanlı "VAZ 2107" markalı minik avtomobili eyni istiqamətdə hərəkətdə olan və işıqforda dayanan 99-MD-140 dövlət nömrə nişanlı "Ford" markalı yük avtomobilinin arxa hissəsinə çırpılıb. Hadisə zamanı minik avtomobilinin sürücüsü və 2 sərnişini xəsarət alıb. Yaralılar Göyçay Rayon Mərkəzi Xəstəxanasına çatdırılıb.

Şahnəzər Bəşirov

Teqlər:

OXŞAR XƏBƏRLƏR