FHN Gürcüstanda itən Marneuli sakininin axtarışına başlayıb
  • HADİSƏ

  • 15:15 01 Mart 2019

FHN Gürcüstanda itən Marneuli sakininin axtarışına başlayıb

Gürcüstanda itən Marneuli sakininin tapılması üçün Azərbaycan tərəfinə müraciət olunub.

Fövqəladə Hallar Nazirliyindən ONA-ya verilən məlumata görə, 28.02.2019-cu il tarixində Gürcüstan Respublikasının Daxili İşlər Nazirliyinin Fövqəladə Halların İdarəedilməsi Agentliyindən Azərbaycan Respublikası Fövqəladə Hallar Nazirliyinə daxil olan məktubda Marneuli rayonunun İkinci Kosalı kənd sakini, 1952-ci il təvəllüdlü Əli Osmanovun (Gürcüstan Respublikasının vətəndaşı) 25.02.2019-cu il tarixində naməlum şəraitdə itkin düşdüyü bildirilir.

Ə. Osmanova məxsus avtomobil Kür çayının yaxınlığında tapıldığı üçün Gürcüstan xilasediciləri tərəfindən çayda axtarışlar aparılır. Fövqəladə Halların İdarəedilməsi Agentliyinin müraciətinə əsasən, bu gün səhər saatlarında Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu Kür çayının Qazax rayonu ərazisindən keçən hissəsində axtarışlara cəlb olunub.

Orxan Məmmədli

Teqlər:

OXŞAR XƏBƏRLƏR