Bakı-Qazax magistral yolunun Hacıqabul rayonu ərazisindən keçən hissəsində yol-nəqliyyat hadisəsi baş verib. Nəticədə 3 nəfər xəsarət alıb.
ONA-nın Mil-Muğan bürosunun məlumatına görə, hadisə saat 01:50 radələrində rayonun Pirsaat kəndi ərazisində qeydə alınıb.
Qəza zamanı "Mercedes" markalı avtomobil "Opel" markalı digər avtomobilə çırpılıb. Nəticədə 3 nəfər xəsarət alaraq Şirvan şəhər Xəstəxanasına çatdırılıb.
Hazırda faktla bağlı Baş DYP İdarəsinin İstintaq və təhqiqat şöbəsi tərəfindən araşdırma aparılır.
Əlibəy Zeynallı
