Hacıqabulda narkotik vasitələrin satışı ilə məşğul olan 2 nəfər tutulub.
ONA-nın Mil-Muğan bürosunun məlumatına görə, Hacıqabul rayon Polis Şöbəsi (RPŞ) əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, 1988-ci il təvəllüdlü Elxan Ziyadxan oğlu Hüseynovdan 491 qram çəkidə olan qurudulmuş marixuana aşkar edilərək götürülüb.
Davam etdirilən tədbirlərlə ona narkotik vasitəni satmaqda şübhəli bilinən Şirvan şəhər sakini, 1981-ci il təvəllüdlü Məhəmməd Adəm oğlu Şahgəldiyev də müəyyən edilərək saxlanılıb. Şəxsi axtarış zamanı ondan da narkotik vasitə olan qurudulmuş marixuana götürülüb.
Faktla bağlı cinayət işi açılıb, araşdırma aparılır.
