İnterpol xətti ilə axtarışda olan 56 yaşlı Azərbaycan vətəndaşı Tbilisinin mərkəzində saxlanılıb.
ONA xəbər verir ki, bu barədə Gürcüstan Daxili İşlər Nazirliyinin mətbuat xidməti məlumat yayıb.
Saxlanılan şəxs bu ilin fevralında beynəlxalq axtarışa verilib. O, Azərbaycan Cinayət Məcəlləsinin “külli miqdarda ziyan vurmaqla dələduzluq etmək” maddəsi ilə ittiham olunur. O, 5 ildən 10 ilədək azadlıqdan məhrum edilə bilər.
56 yaşlı azərbaycanlı İnterpolun Milli Bürosunun və Gürcüstanın Daxili İşlər Nazirliyinin patrul və cinayət polisi tərəfindən keçirilən patrul-axtarış tədbirləri nəticəsində Tbilisinin “Holiday İnn” hotelinin yaxınlığında saxlanılıb.
Hazırda saxlanılan şəxsin Azərbaycana ekstradisiyası ilə bağlı tədbirlər görülür.
