Lənkəranda rayon Polis Şöbəsinin əməkdaşları keçən ay törədilən qətlin üstünü açıblar.
ONA-nın cənub bürosundan verilən məlumata görə, meyit rayonun Digah kəndində tapılıb.
Qətldə şübhəli bilinən Digah kənd sakini, 2001-ci il təvəllüdlü Əkbər Quliyev saxlanılıb. Məlum olub ki, o, həmkəndlisi, 2002-ci il təvəllüdlü Şamil Bağırovu şəxsi münaqişə zəminində belindəki kəmərlə boğaraq öldürüb və meyidi kənddə yarımçıq tikilidə gizlədib.
Meyit aşkarlandığı yerdən götürülərək müayinə edilməsi üçün Məhkəmə Tibbi-Ekspertiza və Patoloji Anatomiya Birliyinin Lənkəran rayon şöbəsinə gətirilib. Müayinədən sonra ailəsinə təhvil verilib.
Faktla bağlı Lənkəran Rayon Prokurorluğunda cinayət işi açılıb, hazırda araşdırma aparılır.
Tural Kərimov
