Nepal vətəndaşları tərəfindən dövlət sərhədinin pozulmasının qarşısı alınıb
  • HADİSƏ

  • 10:40 04 May 2019

Nepal vətəndaşları tərəfindən dövlət sərhədinin pozulmasının qarşısı alınıb

Altı nə­fər Nepal vətəndaşı tərəfindən dövlət sərhədinin pozulmasının qar­şısı alın­ıb.

Dövlət Sərhəd Xidmətinin (DSX) Mətbuat Mərkəzindən ONA-ya verilən məlumata görə, 3 mayda “Göytəpə” sərhəd dəstəsinin xidməti ərazisində Biləsu­var rayonunun Biləsuvar kəndinin ərazisindəki sərhəd zastavasının xidməti sahəsində Azərbaycandan İran istiqamətində dövlət sərhədini pozmağa cəhd edərkən Nepal vətəndaşları 1987-ci il təvəllüdlü Gana Dil Bahadur, 1994-cü il təvəllüdlü Bhote Mimang, 1997-ci il təvəllüdlü Limbu Khim Shambhu, 2000-ci il təvəllüdlü Limbu Sachit, 1987-ci il təvəllüdlü Angdembe Rom Kumar və 1985-ci il təvəllüdlü Gurung Dinesh sərhəd pozucusu qismində saxlanılıblar.

Saxlanılan şəxslərin 22-25 apreldə rəsmi qay­dada Qətərdən Doha-Bakı reysi ilə Azərbay­cana gəlmələri müəyyən olunub. Araşdırma zamanı Nepal vətəndaş­ları dövlət sərhədini pozaraq İrana, ordan isə Türkiyəyə və Avropa ölkələrinə keçmək niyyətində olduqlarını bildir­iblər.

Fakt üzrə əmə­liy­yat-istintaq tədbirləri davam etdirilir.

Fərid Mirzəyev

Teqlər: DSX Nepal bütün xəbərlər

OXŞAR XƏBƏRLƏR