Oğuzda dağlıq-meşəlik ərazidə yanğın başlayıb  - [color=red]YENİLƏNİB[/color] - [color=red]FOTO[/color]
  • HADİSƏ

  • 18:44 26 Yanvar 2020

Oğuzda dağlıq-meşəlik ərazidə yanğın başlayıb - YENİLƏNİB - FOTO

Oğuz rayonunun Xalxal kəndi yaxınlığında  dağlıq meşə ərazisində baş verən yanğın Ekologiya və Təbii Sərvətlər və Fövqəladə Hallar Nazirliklərinin əməkdaşları tərəfindən söndürülüb.

ETSN-nin mətbuat katibi İradə İbrahimova APA-ya bildirib ki, yanğın ümumilikdə 1 hektara yaxın  ərazini əhatə etsə də,  30 sot sahədə kol-kos və quru ot örtüyü yanıb.

***

saat 16.29

Oğuzda dağlıq-meşəlik ərazidə yanğın başlayıb.

APA-nın şimal-qərb bürosunun məlumatına görə, bu gün saat 15 radələrində Böyük Qafqaz sıra dağlarının cənub ətəyinin Oğuz rayon mərkəzindən keçən hissəsində yüksək dağlıq-meşəlik ərazidə yanğın başlayıb.

Yanğının söndürülməsi üçün əraziyə Fövqaladə Hallar Nazirliyinin (FHN) Oğuz rayon Dövlət Yanğından Mühafizə Hissəsinin texnikaları və 20-yə yaxın canlı qüvvəsi cəlb edilib.

Yanğının söndürülməsi istiqamətində iş gedir.

 

OXŞAR XƏBƏRLƏR