• HADİSƏ

    17:09 6 may 2019

Qanıx çayı Gürcüstan ərazisində daşıb, magistral yol bağlanıb

Gürcüstanla Azərbaycan sərhədindən keçən Qanıx çayı (Alazan) daşıb.

ONA-nın Gürcüstan bürosunun məlumatına görə, Gürcüstan-Azərbaycan sərhədi yaxınlığında yerləşən Heretiskari kəndinə gedən yol bağlanıb. Məlumatı Gürcüstanın Regional İnkişaf və İnfrastruktur Nazirliyi yayıb. Bildirilib ki, daşqın səbəbi ilə Tbilisi-Bakurtsixe-Laqadexi beynəlxalq magistral yolun bir hissəsində nəqliyyat vasitələrinin hərəkəti məhdudlaşdırılıb və sürücülərə alternativ Gurjaani-Çabukiani-Appan yolundan istifadə etmək tövsiyə olunub.

Qeyd edək ki, Qanıx çayı Kürün ən böyük qoludur və Mingəçevir su anbarına tökülür.

ONA

Teqlər:

SON XƏBƏRLƏR