Qanunsuz olaraq psixotrop dərmanlar satan Ağdaş sakini tutulub
  • HADİSƏ

  • 11:47 06 Aprel 2019

Qanunsuz olaraq psixotrop dərmanlar satan Ağdaş sakini tutulub

Daxili işlər orqanlarının əməkdaşları tərəfindən narkotik vasitələrin, eləcə də güclü təsiredici xüsusiyyətə malik dərman preparatlarının qanunsuz dövriyyəsinin qarşısının alınması istiqamətində əməliyyat tədbiri həyata keçirilib.

DİN Mətbuat Xidmətinin Şəki regional qrupundan ONA-nın yerli bürosuna verilən məlumata görə, daxil olmuş məlumat əsasında Ağdaş RPŞ-nin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən şəhər sakini 38 yaşlı Alim Quliyev saxlanılıb.  Onun başqa bir şəxsə psixotrop tərkibli  2 ədəd “Tramadol” həbini  satmaq istədiyi müəyyən olunub.  Əməliyyat-axtarış tədbirlərinin davamı olaraq A. Quliyevin  yaşadığı evə də baxış keçirilib.  Baxış zamanı oradan 12,26 qram qurudulmuş marixuana, 360 ədəd “Tramadol”  və  12 ədəd “ Pregabalin” adlı güclü təsiredici xüsusiyyətə malik dərmanlar aşkar edilərək götürülüb.

Faktla bağlı araşdırmalar davam etdirilir.

Şahnəzər Bəşirov

Məlahət Nəcəfova

Teqlər: psixotrop DİN bütün xəbərlər

OXŞAR XƏBƏRLƏR