"Azərbaycanda belə bir yanlış fikir formalaşıb ki, prokuror nə deyirsə, məhkəmə də onu edir. Bu, yanlış fikirdir".
ONA-nın xəbərinə görə, bunu Ali Məhkəmənin sədri Ramiz Rzayev deyib.
Onun sözlərinə görə, 2018-ci ildə prokurorluq tərəfindən verilən protestlərin cəmi 35 faizi təmin edilib.
R. Rzayev onu da vurğulayıb ki, 2000-ci ildən indiyədək Azərbaycanda baş vermiş cinayətlərin sayında artım müşahidə edilmir.
Ali Məhkəmənin sədri vətəndaşların qərarların həyata keçirilməsində icra məmurlarına problem yaratdıqlarını da qeyd edib.
