Şamaxıda dəm qazından zəhərlənmə faktı qeydə alınıb.
ONA-nın Şirvan bürosunun xəbərinə görə hadisə ötən gecə şəhərin Salman Mumtaz küçəsi 62 və Cəfər Cabbarlı küçəsində 1 ünvanlarında qeydə alınıb.
Şəhər sakinləri - 1957-ci il təvəllüdlü Şabani Xədicə Bayram qızı və onun qardaşı oğlu, 1992-ci il təvəllüdlü Muradov Elvin Arif oğlu, həmçinin digər mənzildə yaşayanlar - 1988-ci il təvəllüdlü Əmralı Dilfazə Davud qızı və 8 yaşlı oğlu Əmralı İslam Mövlud oğlu yaşadıqları evlərdə dəm qazından zəhərləniblər.
Onlar xəstəxanaya yerləşdirilib.
Faktla bağlı araşdırma aparılır.
Şahnəzər Bəşirov
