Şirvanda narkotiklə saxlanılan şəxslərin digər cinayətinin də üstü açılıb
  • HADİSƏ

  • 16:46 26 Mart 2019

Şirvanda narkotiklə saxlanılan şəxslərin digər cinayətinin də üstü açılıb

Şirvanda narkotiklə saxlanılan şəxslərin digər cinayətinin də üstü açılıb.

Daxili İşlər Nazirliyi mətbuat xidmətinin Şirvan regional qrupundan ONA-ya verilən məlumata görə, narkotik vasitələrin qanunsuz dövriyyəsi ilə məşğul olmaqda şübhəli bilinən Şirvan şəhər sakinləri - əvvəllər məhkum olunmuş Pünhan Tağıyev və Mirzəli Məmmədov polis əməkdaşları tərəfindən müxtəlif vaxtlarda saxlanılaraq şöbəyə gətirilib.

Onların üzərində axtarış keçirilən zaman şəxsi istehlak miqdarından artıq heroin və qurudulmuş marixuana aşkar edilərək götürülüb. Ətraflarında aparılan əməliyyat zamanı onların birgə cinayət əməlində də iştirakının olduğu müəyyən edilib. Belə ki, saxlanılan şəxslərin bir müddət əvvəl vətəndaşa məxsus fərdi yaşayış evinə daxil olaraq, oradan ümumi dəyəri 1990 manat olan məişət əşyalarını oğurladıqları məlum olub.

Faktla bağlı Şirvan ŞPŞ-nin İstintaq bölməsində araşdırma aparılır.

Əlibəy Zeynallı

Aytən Yusifova

Teqlər: Şirvan narkotik oğurluq

OXŞAR XƏBƏRLƏR