Siyəzən mağazalardan oğurluq edən keçmiş məhkum saxlanılıb.
ONA-nın şimal bürosunun verdiyi məlumata görə, Siyəzən rayon Polis Şöbəsinin (RPŞ) əməkdaşlarının keçirdikləri əməliyyat-axtarış tədbirləri nəticəsində aprelin 8-dən aprelin 14-dək rayon ərazisində 5 mağazadan oğurluq edən şəxs saxlanılıb.
Həmin şəxsin əvvəllər anoloji cinayətlərə görə məhkum olunmuş rayon sakini Nəzərov Mayis Əlif olduğu aşkar edilib.
Aparılan ilkin istintaq tədbirləri nəticəsində M.Nəzərovun rayon ərazisində 5 mağazadan, ümumi dəyəri 2800 manat olan geyim əşyası və ərzaq məhsulları oğurlayıb.
Faktla bağlı Siyəzən RPŞ-də cinayət məcəlləsinin 177.2.2 və 177.2.3 maddələri ilə cinayət işi açılıb, araşdırmalar davam etdirilir.
Vəli Turan
