Sumqayıtda baş verən avtobus qəzasında 30-a yaxın şəxs xəsarət alıb.
ONA-nın yerli bürosunun verdiyi məlumata görə, xəsarət alan şəxslərin hamısı Sumqayıt şəhər Təcilli Tibbi Yardım Xəstəxanasına aparılıb. Yaralılardan 10 nəfərinin vəziyyəti ağır olduğundan onlar reanimasiya şöbəsinə yerləşdiriliblər.
Faktla bağlı cinayət işi başlanıb, araşdırma aparılır.
Saat 17:52
***
Sumqayıtda avtobus qəzası baş verib.
ONA-nın yerli bürosunun verdiyi məlumata görə, hadisə bu gün axşam saatlarında şəhərin M. Əzizbəyov küçəsi ilə Nizami küçəsinin kəsişməsində qeydə alınıb. 30 saylı xətt üzrə hərəkət edən marşrut avtobusu “Toyota Prado” markalı minik avtomobili ilə toqquşub.
Qəza nəticəsində avtobusda olan sərnişinlərdən bir neçə nəfər xəsarət alıb.
Yaralılar xəstəxanaya yerləşdirilib.
Faktla bağlı araşdırma aparılır.
Ramil Zeynallı
